Граѓаните продолжуваат да се соочуваат со високи температури и до 40 степени Целзиусови. Додека нашата екипа беше на еден од скопските пазари, граѓаните побрзаа да купат и што поскоро да избегаат од горештините. Тие рекоа дека внимаваат што купуваат на пазар.
Продавачите рекоа дека на овие високи температури речиси сите производи венеат и лесно се расипуваат.
„Ако денес не се продадат, утре ги фрламе сите, се прават со црни точки, сите ги фрламе во контејнер. Дињите, праските, оние кои се помеки, дури и бананите побрзо се расипуваат. Оние кои се тврди траат подолго“, рече еден продавач.
До недела нашата земја ќе биде во портокалова фаза поради високите температури до 42 степени. Министерството за здравство препорача да се ослободат од работа најранливите групи, како што се трудниците и хронично болните.
Од 11 до 17 часот се препорачува прекин на градежните работи на отворени површини.
Министерството за здравство ги потсетува граѓаните дека во екстремно топлите денови треба да останат во затворени простории, особено во климатизирани, да носат лесна облека и да носат заштитни очила и капа при директна изложеност на сонце.
Консумирајте повеќе овошје и зеленчук и помалку мрсна храна.
Исто така, Министерството за здравство препорачува да се консумира што повеќе вода и да се избегнуваат алкохолни пијалоци./Alsat.mk
Мелихате Рустеми
