Претседателот на Бразил го разреши началникот на Генералштабот на Армијата

Бразилскиот претседател Луис Инасио Лула да Силва го разреши  началникот на Генералштабот на армијата Хулио Сезар де Аруда, две недели по упадот на приврзаниците на екстремната десница во државните институции во Бразил.

Advertisements

Локалните медиуми јавија дека Аруда бил привремено на позицијата началник од 30 декември, два дена пред крајот на мандатот на екстремно десничарскиот претседател Жаир Болсонаро.

Неговата позиција беше потврдена на почетокот на јануари од новата влада на левичарскиот претседател.

Засега не се наведуваат причините за смената.

Бразилската телевизија Глобоњуз јави дека нов началник ќе биде командантот Томаш Рибеиро Паива, кој неодамна изјави дека армијата ќе продолжи да ја гарантира демократијата во државата.