Презентирани главните точки од реформската агенда од планот за раст
Презентирани главните точки од реформската агенда од планот за раст
За да ги добие првите 52 милиони евра од ЕУ за спроведување на реформската агенда за периодот 2024-2027 година, земјата мора да исполни одредени услови, да ги усвои соодветните закони и да формира тела за нејзино спроведување и следење. Ова беше пораката на евроамбасадорот Микалис Рокас, дадена пред пратениците во Собранието, каде се дискутираше за реформската агенда и планот за раст на ЕУ. Рокас рече дека планот за раст обезбедува прогресивен пристап до единствениот пазар на ЕУ и поголема безбедност за поуверлив пат кон Унијата.
„Предизвиците кои не очекуваат се воспоставување на национални структури за имплементација, мониторинг и известување. Познавајќи ги слабите административни капацитети на државата, соработката и координацијата со Министерството за европски прашања и Министерството за финансии ќе биде од клучно значење за постигнување на потребните резултати. Имањето на вистинските системи за контрола и следење на спроведувањето на реформската агенда веќе е земено предвид во планот за раст, неговите правила и системот што земјата треба да го постави“, рече Микалис Рокас, амбасадор на ЕУ.
Собранието мора да одобри ратификација на инструментот и договорот за заем, за да може да побара средста за финансирање , како и тело за спроведување и следење.
„Имплементацијата на реформите ќе биде внимателно следена. Ќе се формира надлежна национално тело за следење на механизмите за спроведување и следење кои се во согласност со барањата на документот за проширување на ЕУ. Владата и Министерството за европски прашања ќе обезбедат услови за остварување на поставените цели и напредокот на реформите ќе биде транспарентен и достапен за јавноста“, Орхан Муртезани, министер за Европски Прашања.
Претседателката Гордана Силјановска Давкова, која се вклучи во дебатата, рече дека соработката на ресорното министерство со Собранието е многу значајна и во спроведувањето на агендата треба да се води грижа за бизнис секторот, за зелената агенда.
Овие дискусии за реформската агенда ќе се повторуваат на секои шест месеци и по потреба ќе се интензивираат. Агендата вклучува конкретни чекори за реформи во јавната администрација, зелена транзиција, дигитализација, владеење на правото, човечки ресурси и поддршка на економијата./Алсат.мк
Фатлуме Дервиши
