Принцот Филип пуштен од болница по скоро еден месец лекување

Принцот Филип денес ја напушти болницата во центарот на Лондон, каде помина скоро еден месец под надзор на медицинскиот персонал, пренесува Би-Би-Си.

Advertisements

Се наведува дека војводата од Единбург (99) бил примен во болницата Кинг Едвард VII на 16 февруари откако имал одредени здравствени проблеми, а подоцна, во друга лондонска болница, Свети Вартоломеј, бил подложен на успешна интервенција во врска со неговата срцева состојба.

Со 28 дена поминати на лекување, ова беше најдолг престој на принцот Филип во болницата, а точната причина за неговиот прв прием не е откриена. Бакингемската палата објави дека неговата хоспитализација не е поврзана со вирусот корона, пренесува Би-Би-Си.