Продолжениот викенд создаде колони на граничните премини
Од петокот до денес 61.859 лица ја напуштиле земјата, додека над 43 илјади влегле во Македонија. Овие бројки предизвикаа колони и долги чекања на граничните премини. Од МВР велат дека двата најфреквентни гранични премини за време на продолжениот викенд се Табановце и Богородица.
„Само во последните 24 часа, 48.536 граѓани на Македонија ја поминале границата. 18.687 од нив влегле во земјата, додека 29.849 заминале во странство. Речиси 20.000 влегувања-излегувања дневно имало на граничниот премин Блаце“, информираат од МВР.
Командирот на овој граничен премин, Бесим Асани рече дека во вакви случаи правилникот на граничниот премин предвидува да се преземат мерки за да се олесни протокот и малку да се скрати времето на чекање.
„Наидовме на исклучително голем прилив на граѓани и возила, кои го користеа овој граничен преминза да заминат на одмор или да го посетат семејството. Денеска, од полноќ до 13 часот регистриравме околу 7.000 патници кои влегле и излегле од државата. Презедовме некои дополнителни мерки или поминавме до пропуштање на пасошка контрола. Вкупно 1.680 патници биле пропуштени без пасошка контрола“, рече Асани.
За разлика од граничните премини, градските улици беа главно празни, како резултат на патување на граѓаните во други земји и многуте високи температури.
Еви Шкопи
