Продолжуваат антивладините протести во Бугарија

Алсат
30.07.2020 09:34

Илјадници луѓе маршираа во градовите низ Бугарија на веќе тринеделните протести за да бараат оставка на владата на премиерот Бојко Борисов и на главниот обвинител Иван Гешев. Демонстрантите блокираа неколку големи крстосници во Софија за време на работното време, со што сообраќајот беше скоро во застој. Демонстрантите ја обвинуваат владата дека одржува врски со мафијата, одбива да се бори против корупцијата и да го реформира судството и ја потиснува слободата на говорот. Тие велат дека Борисов не сторил ништо за да ја спречи корупцијата.