Продолжуваат тензиите меѓу Софија и Скопје
Вчерашната расправија меѓу политичарите од Бугарија и Македонија околу Гоце Делчев ги врати емоциите и ја наруши атмосферата меѓу двете земји, велат за Алсат извори од преговарачкиот тим во Скопје.
„Прашањето на Делчев е работа на Заедничката историска комисија и важно е како ќе се одвива состанокот на 25 и 26 февруари, исто како што е важно двете влади да го усогласат заедничкиот план за акција.
Според изворите, она што ја нарушува позицијата на земјата е недостатокот на консензус меѓу власта и опозицијата за ова прашање и злоупотребата од страна на опозицијата. Изворите потврдуваат дека преговарачкиот тим работи на враќање на довербата и создавање атмосфера, преку конкретни активности во областа на медиумите, образованието, културата, говорот на омраза, како начин да се реши спорот. Владата не дава детали за фазата на усогласување на акцискиот план и кога ќе се одржи билатералната меѓувладина конференција.
Инаку, двете земји веќе се согласија за продлабочување на соработката во областа на медиумите и образованието. Од март, Бугарската национална телевизија ќе се емитува од локалните оператори и обратно. Најавена е и соработка меѓу универзитетите од двете земји.
Анеса Салиху
