Проф. Петрески: Владините мерки – релативно навремени

За Маријан Петрески, професор на „Американ Колеџ“, владините мерки се релативно навремени поради, како што вели, фактот што нашите власти за кризата во Украина имале информации уште во ноември минатата година. Коментирајќи ги владините пакет мерки, во вечерашното гостување во емисијата „360 Степени“ на Алсат, тој меѓу другото рече:

„Велам дека е релативно навремено од перспектива на тоа што тензијата околу Украина постоеше и претходно, а и претседателот на државата ни соопшти дека земјава имала разузнавачки сознанија дека ова ќе се случи уште на 5 ноември 2021 година. Тој простор во која мера бил искористен за прилагодување, дефинирање сценарија па и дефинирање на мерки, јас не знам“, вели Петрески.