Секој пациент кој се јавува на преглед кај својот матичен лекар треба да го ажурира својот телефонски број. Ова е најновата измена на системот „Мој термин“, кој лекарите од примарната здравствена заштита го гледаат како товар во нивната работа. Токму поради тоа одржаа едночасовен предупредувачки штрајк. Промените во овој систем официјално ќе стапат на сила на 3 март.
Од Здружението на приватни лекари велат дека не биле однапред известени за овие измени и дека, според нив, им прават проблеми на многу пациенти. Лекарите бараат враќање на старата верзија на системот.
Од Министерството за здравство објаснуваат дека оваа мерка има за цел да обезбеди пациентите да добиваат навремени известувања за нивните прегледи за здравствени прегледи.
Министерство за здравство:
„Оваа промена се базира на анализи, кои покажаа дека значителен број пациенти не се појавуваат на закажаните термини поради неажурирани телефонски броеви. На пример, повеќе од 50 отсто од пациентките со закажани прегледи на дојка не се појавиле, со што биле изгубени термини, кои можеле да бидат искористени за други пациенти“.
Сепак, системот предвидува исклучоци во одредени случаи: итни медицински случаи – внесување во системот без верификација; деца и изнемоштени лица – може да бидат верификувани преку друго лице поточно еден телефонски број може да се искористи за повеќе пациенти.
Линда Ебиби
