Проширена истрагата против Перпарим Бајрами
Финансиската полиција поднесе уште една кривична пријава против поранешниот директор на Државна лотарија, Перпарим Бајрами, кој во моментов е во бегство. Финансиска овој пат го обвинува Бајрами за договорот што го склучил со ХЕЈ ДООЕЛ во врска со зградата на поранешниот ресторан „Фестина“ за која имало 10-годишен договор за користење како деловен простор од Државна лотарија. Истражителите на финансиската полиција утврдиле дека договорот склучен во јули 2023 година не ги исполнува условите за јавни набавки. Со ова Бајрами го оштетил државниот буџет за 400 илјади евра.
„На повикот беше побарана административна зграда од 2.000 до 2.500 метри квадратни. Договорот е потпишан за 2.426 метри квадратни деловен простор. За да манипулира со единствениот услов во огласот, во 2024 година склучил нов договор за уште 502 метри квадратни, простории кои биле во процес на продажба. Договорот за откуп на објектот е направен за 9 евра за квадрат, иако реалната цена во Визбегово се движи од 2,5 до 4,5 евра за метар квадратен“, велат од Финансиската полиција.
Тендерските услови ги прецизирал самиот Бајрами, велат од Финансиската полиција. Тој побарал објектот, од кој има голема потреба Државната лотарија, да има најмалку 50 паркинг места за автомобили и транспортни возила, под услов да не се совпаѓа 100% со просториите на поранешниот ресторан што бил предмет на договорот.
Договорот за кој станува збор од Државна лотарија е раскинат на 17 септември. Ваквото дејствие е преземено еднострано откако Владата утврдила дека е направен прекршок при постапката за јавна набавка. Фирмата ХЕЈ ДООЕЛ е директно поврзана со синот на пратеникот на ДУИ, Исмаил Јахоски, Асмир Јахоски, кој е и сопственик на Пуцко Петрол. Прв сопственик на оваа компанија беше Армин Машовиќ, поранешен деловен партнер на Ерџан Сулкоски.
Машовиќ беше назначен за член на Управниот одбор на Државната лотарија во октомври 2023 година, на местото на Шабан Хамза, на чие име се појави доменот на веб-страницата hej.mk. Хамза бил деловен партнер со зетот на Али Ахмети, Куштрим Смајлај. Прв директор на ХЕЈ ДООЕЛ излегува дека е братучетката на Артан Груби, Натира Груби. Вкупната вредност на 10-годишниот договор изнесува 2,6 милиони евра. Зградата наводно била изнајмена со намера да се користи за сместување на неискористени VLT уреди.
Алсат
