Просторот околу Собранието, станува безбедна зона

Иако пратениците во Собранието речиси никогаш не знаат да се здружат за да изгласаат закони во интерес на граѓаните, тие се здружија многу лесно кога станува збор за нивните интереси, овој пат нивната безбедност во Собранието. Со предлог на претседателот на Собранието, а со поддршка на сите политички партии, Собранието предложи целата област околу Собранието да се прогласи за безбедна зона. Сепак, кога дојде време за гласање, немаше услови бидејќи повеќето пратеници не беа присутни.

Advertisements

Целиот простор зад Собранието каде што моментално се користи како паркинг но и делот каде што е предвидено да се изгради катна гаража, отсега ќе биде безбеден простор на Собранието каде што ќе биде забрането секое изведување на градежни активности, манифестации, јавни собири и протести на граѓаните.

Предлог-законот, исто така, предвидува забрана за снимање со дронови над безбедната зона, на надморска височина до 100 метри. Според пратениците, целта на овој предлог закон не е дека тие не се чувствуваат безбедно, туку обезбедување на парцелата каде што беше предвидено да се изгради катна гаража, парцела која во 2013 година беше продадена за 330 илјади евра од тогашната влада на Никола Груевски. Гарантираат дека целта не е за да се ограничат протестите и собири на граѓани.

Како што е наведено во предлог-законот, целта е да се овозможи слободен пристап на пратениците или други лица кои учествуваат во работата на Собранието. Слободен пристап значи дека ако има протест пред Собранието, пратениците да можат слободно да влезат на работното место. Предлог-законот се носи по кратка постапка./Алсат.мк
Зекирија Хаџиу