Протест на медицинските сестри и техничкиот персонал во Тетово за подобри услови
Протест на медицинските сестри и техничкиот персонал во Тетово за подобри услови
Десетици медицински сестри и технички персонал кои повеќе од една деценија имаат нерешен работен статус, денес излегоа да го искажат својот револт пред Клиничката болница во Тетово. Медицинските сестри рекоа дека не земале плати во последните три месеци.
„Со договор на дело сме веќе шест години. Веќе три месеци немаме плата. Ни беше ветено, не ништо од тоа“, рече една медицинска сестра.
„Работам девет години, ќе наполнам десет, со договор на дело сум. Четири години сум без договор, без плата, без ништо. Сега дури и договор немаме. Другите колеги придонесоа, сме биле и во модуларната болница, но ништо. Ако не ни се реши статусот, ќе продолжиме да протестираме, бидејќи министрите се менуваат, директорите се менуваат, само ветувања даваат, ништо не е решено“, додаде , една медицинска сестра..
„Без плата сум, без решение, без договор, без ништо. Имав договор една година, сега немам. Работам две години, имав договор една година, без плата сум една година“, нагласи една медицински сестра.
По протестот, медицинските сестри и техничкиот персонал отидоа на средба со директорот на Клиничката болница во Тетово. Тие бараа решение за нивниот работен статус, но добија само ветувања. Според директорот Агим Бериша, донесувањето одлуки не зависи од тетовската болница, туку од Министерството за здравство и Министерството за финансии.
„Нивното право на протест е демократско право, но како група требаше да ме известат. Очекувам ова прашање да се реши во текот на следниот месец“, рече Агим Бериша, директор на клиничка болница Тетово.
Медицинските сестри и техничкиот персонал во болницата најавија продолжување на протестот сè додека нивниот статус не се реши трајно./Алсат.мк
Башким Сулејмани
