Протести пред оштина Чашка за настава по албански јазик

 Демонстрантите повторно го блокираа влезот и излезот на општина Чашка. Тие се противат на наставата на албански јазик во училиштето „Тодор Јанев“. Учениците Албанци, но и Македонците повторно не беа во можност да продолжат со настава. Родителите на учениците апелираат институциите што поскоро да најдат решение за учениците да седнат на училишните клупи.

Advertisements

„Исто како што се случи вчера, влезот-излезот на општина Чашка беше блокиран, и не дозволуваат учениците да влезат и да продолжат со настаба ниту на македонски ниту на албански јазик, не знам зошто протестираат бидејќи нема основа да се прави ваков протест и институциите веднаш да преземат мерки за деблокирање на патот.

– Кој е вашиот апел како родител на ученици?

Нашиот апел е што поскоро да се најде решение за учениците да продолжат со настава, бидејќи ќе изгубат сите ученици и Македонци и Албанци“, рече еден родител на 4 ученици во ОУ „Тодор Јанев“.

Освен родителите, и градоначалникот на Чашка Горан Стојановски, од институциите побара да седнат и да најдат решение. Според него, децата имаат право да се образуваат на мајчин јазик.

Околу 150 ученици Македонци и Албанци од ОУ „Тодор Јанев“ поради протестот не можат да го следат процесот на учење. Со отворањето на паралелата на албански јазик во ова училиште почнаа проблемите и во Чашка. Демонстрантите речиси три месеци бараат враќање на овластувањата на општина Чашка, оставка од досегашниот директор и преместување на албанската паралела во друго село. Демонстрантите во текот на вчерашниот ден ја нападнаа и навредуваа екипата на телевизијата Алсат на етничка основа./Алсат.мк

Авни Тахири