Протести „Стоп, Србија“ во неколку градови за жртвите од несреќата во Нови Сад

Граѓаните на Србија во повеќе градови со 15 минутен молк им оддоа почит на загинатите во несреќата на Железничката станица во Нови Сад.

Кампањата „Стоп, Србија“ се одржа на повеќе места во Белград.

Пред Правниот факултет, на раскрсницата од улицата Ресавска и Булевар Крал Александар, се случи инцидент кога автомобил се обиде да помине и покрај блокадата.

Полицајците го опколиле возилото кое се обидело да помине, при што дошло до помал судир со друго возило.
Имаше и препукување меѓу насобраните граѓани и некои возачи, но ситуацијата се смири.

Како што јавува репортерот на Радио Слободна Европа (РСЕ), на собирот присуствувала и полиција во цивилна облека.