Процесот на попис е прекинат веќе три дена
Три дена по ред, попишувачите не се на терен да ги евидентираат граѓаните и домаќинствата. Од Државниот завод за статистика, индиректно признаваат дека се соочуваат со проблеми во системот за попис. Алсат побара ојбаснувања од претседателот на Заводот, Апостол Симовски зошто екипите не излегуваат на терен. Тој првично рече дека одговорот на ова треба да го даде Владата. Неколку часа подоцна, преку соопштение до медиумите, ДЗС соопшти дека работи на решавање на технички проблеми, со цел да се одржи високо ниво на пописна безбедност.
„Во продолжение работиме на надминување на некои помали технички предизвици кои привремено се појавија изминатите денови, кога имаше голем интензитет на попишувачи на терен. Сите внесени податоци се успешно обработени во систем додека техничките усогласувања се направени со цел процесот да продолжи со голем интензитет“.
Во соопштението на Заводот за статистика, се вели дека е извршен попис на околу 200 илјади граѓани. но денес е трет ден кога на инструкторите и попишувачите им е наредено да не излегуваат на терен за да го направат пописот на населението и домаќинствата. Контактирани од Алсат, некои инструктори и попишувачи, тврдат дека им било наредено да не излегуваат да регистрираат. Без наведување конкретни причини, како и без известување кога ќе излезат да ја продолжат својата работа.
Заводот за статистика е убеден дека до 30 септември пописот ќе биде успешно завршен. Пописот на жителите и населението во домаќинствата започна на 5 септември. Продолжува и пописот на Дијаспората преку онлајн апликацијата, каде се регистрирани околу 191 илјади иселеници.
Mefail Ismaili
