Бугарскиот претседател Румен Радев денеска ја започна првата од серијата средби со парламенттарните партии пред да го враќи мандатот за состав на новата влада. Првата од средбите е со претставници на „Продолжуваме со промените“.
„Убеден сум дека сфаќате каква огромна одговорност имате… довербата на бугарските граѓани не е ‘бесплатна’ и мора постојано да се одржува. Институцијата претседател е отворена за дијалог и соработка со идните влади во рамките на нејзините надлежности и овластувања. Важно е бугарските граѓани да ги знаат вашите приоритети и вашата подготвеност да формирате ефективна владина коалиција. Благодарен сум што ги изложивте вашите ставови за проширувањето на Европската унија, за утврдувањето на правата на бугарските граѓани, нашиот идентитет, историја и култура“, порача Радев по средбата.
Во моментов, според дискусиите, формула за распределба на мандатите во идната коалициска влада е: 10 места за „Продолжуваме со промената“, по четири за БСП и „Има таков народ“ и три за „Демократска Бугарија“.
Радев денеска ќе разговара и со претставници на ГЕРБ-УДФ, МРФ и БСП, а утре со „Има таков народ“, „Демократска Бугарија“ и партијата „Преродба“.
