Рама: Приемот на Албанија за привремена членка на СБ е најголем дипломатски успех

Албанскиот премиер Еди Рама изјави дека приемот на неговата земја за привремена членка на Советот за безбедност на ОН, претставува најголем дипломатски успех на државата.

Advertisements

„Изборот на Албанија за првпат како привремена членка на Советот за безбедност на Обединетите нации не е само голем успех, туку најголем во однос на влијанието во историјата на албанската дипломатија и причина да се разбере дека Албанија може и треба да направи повеќе за себе и за другите, особено за нашиот регион. Во одлуката на 11 јуни во Генералното собрание најголемо значење беше стекнувањето доверба од 175 места“, рече Рама на свечениот прием организиран по повод приемот на неговата земја во СБ.