Ревизија на сите интерни одлуки во МВР, потпишани од Буши

Сите интерни одлуки за систематизација и акти потпишани од страна на поранешниот заменик министер за внатрешни работи, Назим Буши, ќе бидат разгледани од страна на министерот за внатрешни работи, Панче Тошковски. Од кабинетот на Тошковски велат дека одлуките ќе бидат донесени согласно одлуката на Владата од 28 јуни.

„Работодавачите од јавниот сектор и трговските здруженија во државна сопственост се должни да ги прекинат постапките за вработување на неопределено време и унапредувања врз основа на информациите за обезбедување на финансиски средства од страна на Министерството за финансии за 2024 година од периодот до 14.02.2024 година кои започнале со работа на 24 јуни и по 24 јуни 2024 година“, стои во Заклучок на Владата бр. 5581/1 од 28 јуни 2024 година.

Од коалицијата ВРЕДИ велат дека сите партиски вработувања по распишувањето на изборите и по завршувањето на техничката влада, ќе бидат укинати и ќе се отворат нови конкурси.

„Можноста за укинување на тие процедури и нивно повторно разгледување и отворање ќе биде разгледана, за секој граѓанин да има можност да аплицира и да најде работа“, рече Билал Касами, Коалиција ВРЕДИ.

Покрај МВР, вакви одлуки и се донесени и во други министерства со кои раководеа кадри на ДУИ и СДСМ./Алсат.мк

Адриан Керими