Родители од Љуботен предупредија дека утре ќе ги испраќаат сите деца на училиште
Советот на родители и наставници во основното училиште „Лиман Каба“ во Љуботен најавија дека утре ќе ги испратат сите деца на училиште, и покрај тоа што Министерството не даде дозвола за настава со физичко присуство. Велат дека ја донеле оваа радикална одлука бидејќи училиштето ги исполнува условите, и затоа што секој нема можност да купи компјутери.
„Онлајн учењето нема да може да се реализира од технички причини. Одлуката како родители и училишен персонал е да започнеме со настава со физичко присуство. Мора така, затоа што немаме услови“, рече Џеваир Бакиу- совет на родители О.У Луботен.
Истата ситуација се јавува и во периферните училишта „Драга Стојановска“ во Чифлик и Света Петка каде околу 200 ученици посетуваат настава.
„Има случаи каде родител со социјална помош има три деца во училиште, и сега е принуден да купи лаптоп за сите три деца, но не може да купи. Заклучокот на состанокот е дека тие одлучиле децата од четврто до деветто одделение да ја бојкотираат онлајн наставата“, рече Ајрулах Јакупи- наставник во О.У „Драга Стојановска“, Чифлик.
И во основното училиште„ 26 јули “во Шуто Оризари наставата за физичко присуство се реализираше само за 750 ученици до трето одделение. Директорот на училиштето Дритон Ганиу вели дека во другите училници не можат да учат овие ученици, затоа што наставниците предаваат онлајн.
„Другите училници ги користат наставниците кои се вработени и кои предаваат онлајн. Вкупно има 2100 ученици, од нив 750 ќе следат настава со физичко присуство“, рече Дритон Ганиу- директор на О.У „26 јули“.
Наставничката Бурбуќе Ќерими вели дека се чувствува среќно што може да ја спроведе лекцијата со физичко присуство, иако прегратката со учениците оваа година недостасуваше.
„Би сакал… не само деца од прво до трето одделение, туку би било добро сите деца да учествуваат со физичко присуство“, вели Ќерими.
И учениците беа возбудени. Тие знаеа како треба да се однесуваат.
Дали е подобро вака или преку компјутер?
-Вака.
Зошто?
„Затоа што сакам да ги видам моите пријатели и наставникот“, вели еден ученик.
Еви Шкопи
