Русија ги продолжи санкциите за Твитер

Руската служба за регулирање на телекомуникациите ги продолжи мерките за забавување на социјалната платформа до 15 мај, според веб-страницата на регулаторот.

„Имајќи ја предвид првичната одлука на компанијата Твитер да ги промени принципите и брзината на сопствената услуга во Русија, како и да отстрани значителен дел од забранетата содржина, Роскомнадзор одлучи да не го блокира целосно Твитер на нејзината територија, но и да продолжи постојното ограничување до 15 мај“, се наведува во соопштението на рускиот регулатор.

Да потсетиме, Русија на 10 март ја забави работата на оваа социјална мрежа поради неуспешното бришење на забранетата содржина. За тоа време, компанијата избришала околу 1.900 од 3.100 материјали.