Русија: Над 10.000 новоинфицирани за прв пат од средината на мај

Бројот на нови случаи на коронавирус во Русија надмина 10.000, што последен пат се случи во средината на мај, објави Оперативниот штаб за борба против ширењето на инфекцијата со коронавирус.

Од седиштето додаваат дека досега со новиот вирус се разболеле 1.215.001 лице.

Во последните 24 часа во Русија, 3.284 лица кои биле заразени со ковид, се ослободени од болничко лекување, што значи дека вкупно 979.143 лица се опоравиле во земјата од почетокот на пандемијата.

Во соопштението од Оперативниот штаб се додава дека во последните 24 часа починале уште 107 лица, а од почетокот на пандемијата 21.358 лица.

Претходно, градоначалникот на Москва, Сергеј Собјанин, изјави дека состојбата со вирусот во главниот град на Руската Федерација се стабилизира, иако болниците сè уште се полни со новоболни пациенти.