Рустеми за автопатот Скопје-Блаце: Излегоа непредвидени работи во проектот
Директорот на Јавното претпријатие „Државни патишта“, Ејуп Рустеми, во „Економски магазин“ на Алсат, рече дека откако започнале работите на изградбата на автопатот Скопје-Блаце, во проектот се појавиле некои непредвидени работи.
Тој рече дека сите тие, вклучително и потпорниот ѕид, кој не бил предвиден во основниот проект, се очекува да се изведат во зимскиот период, за да може работите да продолжат.
„Во текот на имплементацијата на проектот се појавија некои непредвидени работи во проектот кои ги решаваме со нови проекти и потпорниот ѕид кој не е предвиден во основниот проект. Се надевам дека во овој временски период, во текот на зимата, бидејќи градежните работи не можат да се реализираат, ќе ги санираме овие проблеми и потоа ќе продолжиме со работата“, рече Рустеми.
