САД предложиле да се признае руската анексија на Крим и да се запре војната на сегашната линија на фронтот како дел од потенцијалниот договор за ставање крај на војната во Украина, објави денеска Вашингтон пост (ВП), повикувајќи се на неколку неименувани извори.
Според извештаите, американските претставници ѝ го претставиле овој предлог на украинската делегација за време на состанокот во Париз минатата недела.
Украинскиот претседател Володимир Зеленски претходно денеска изјави дека Украина де јуре не може да го признае отцепувањето на Крим бидејќи тоа е спротивно на украинскиот Устав.
Зеленски изјави дека Русија „се плаши од директни преговори“, бидејќи ја потврдил подготвеноста да се сретне со американскиот претседател Доналд Трамп во Ватикан за време на погребот на папата Франциск.
„Можеби Русите се плашат дека Американците ќе го напуштат преговарачкиот формат, или можеби тоа го прават за да ги истиснат“, рече Зеленски.
