Кошаркарите на Сакраменто го победија шампионот Денвер со 102:98 и вторпат во последните пет дена се израдуваа на меѓусебен триумф. Сакраменто заостануваше во поголемиот дел од натпреварот, губеше и со 16 поени разлика, но на крајот победи благодарение на Дирон Фокс, кој постигна 30 поени и Домантас Сабонис, кој постигна 20 поени и 13 скока. Арон Гордон беше најдобар кај Денвер со 25 поени и 15 скока, а невообичаено лоша вечер имаше српскиот центар Никола Јокиќ кој промаши 11 од 17 шута и мечот го заврши со 15 поени.
Кошаркарите на Шарлот беа подобри од Атланта со 122:99 на свој терен и со тоа го забележаа третиот триумф во низа.
Мајами на гостински терен ја победи Филаделфија со 109:104 со одличната партија на Бем Адебајо и Тајлер Хиро кои постигнаа по 23 поени. Во редовите на Филаделфија се истакна Тајрис Макси со 30 поени.
Далас го совлада Сан Антонио со 116:93, со 34 поени на Кајри Ирвинг и 27 на Лука Дончиќ, а Лос Анџелес Лејкерс ја победи Јута со 138:122.
НБА резултати:
Шарлот – Атланта 122:99
Орландо – Њујорк 118:100
Филаделфија – Мајами 104:109
Бостон – Бруклин 136:86
Кливленд – Чикаго 108:105
Торонто – Индијана 125:127
Мемфис – Хјустон 121:113
Њу Орлеанс – Вашингтон 133:126
Далас – Сан Антонио 116:93
Денвер – Сакраменто 98:102
Феникс – Детроит 116:100
Јута – ЛА Лејкерс 122:138
Голден Стејт – ЛА Клиперс 125:130
