Само двајца спасители се грижат за безбедноста на струшкото крајбрежје

Само двајца спасители летово се грижеа за безбедноста на струшкото крајбрежје. Од петнаесет капалишта на две имало услови за безбедно капење, спорт и рекреација, иако поставувањето на спасители е една од законските обврски на оние кои стопанисуваат со плажите.

Advertisements

„ Интересот на менаџерите на плажите беше мал, односно само две плажи во Струга имаа спасител и имаа заштита на своите плажи“, рече Адуриме Даути претседателка на Црвен крст-Струга.

Ова треба биде сериозна опомена наредното лето вакво нешто институциите кои се надлежни за контрола на работата на плажите, да не дозволат. Во Струга имало пет интервенции за извлекување давеници од вода, и повеќе од 300 за укажување прва помош.

„Сметаме дека идната година менаџерите на плажи ќе бидат поразумни околу овој проблем и ќе имаат повеќе побарувања на спасители и се надеваме дека во иднина ќе имаме безбедни плажи во Струга“, додаде Адуриме Даути претседателка на Црвен крст-Струга.

Дополнително се помал е интересот за спасувачи за целото Охридско крајбрежје.

„Ако до пред 10-15 години биле 50-60 спасители, сега бројот е 20 до 30. Дел се веќе отидени. Финансиите си го прават своето, бидејки во наши услови финансиите се тие, тоа е тоа што се добива овде, а друго е тоа што се добива во странство “, нагласи Дејан Јонузоски-национален инструктор за безбедност на води.

Лиценците кои ги добиваат по завршување на обуките кои ги спроведува Црвениот крст се меѓународно признати, поради што многу од нив веќе работат во странство на плажи, базени и аква паркови.Наместо да ги задржи, државата ги губи и овие кадри.

„Сакам да имам серификат од што е можно повеќе работи.Можеби ќе имам прилика друга година да одам на крузер“, рече Давид Бујароски-спасител.

И во Охрид, летово од околу 30 капалишта, само на десет имало спасители. Евидентирани се 15 интервенции на извлекување давеници од вода и повеќе од 800 на укажување прва помош./Алсат.мк

Мики Трајковски