Сарафов: Нема докази за експлозија во автобусот

Бугарските истражители ги отфрлаат наводите дека во автобуската несреќа имало експлозија. Како што соопшти главниот истражител на Бугарија, Борислав Сарафов, звукот што дел од сведоците го сметаат за експлозија било нешто сосема друго.

„Се појавија и вести дека катастрофата би можело да е предизвикана од експлозија. До овој момент немаме докази за експлозија. Никакви. Таа таканаречена експлозија, којашто ја слушнале сведоците, тоа се сведоци, работници на патот, е впрочем исклучително силниот удар на автобусот во десната банкина“, рече Сарафов.