СДСМ го повикува ВМРО заедно да го сменат Уставот
СДСМ го повикува ВМРО заедно да го сменат Уставот
Социјалдемократите повторно ја повикаа ВМРО-ДПМНЕ да назначи тим во работната група. Од партијата истакнаа дека со Резолуцијата што ја усвои германскиот Бундестаг со која се дава поддршка на македонскиот идентитет, јазик, култура и историја, повторно се потопени, како што велат, лагите на ВМРО и Левица за бугаризација, асимилација и губење на идентитетот.
„Мицкоски има ретка шанса да направи нешто добро и корисно за државата и за сите граѓани. Откако прифати уставни измени Мицкоски треба да одреди тим за да продолжат разговорите и заедно да ја донесеме одлуката за продолжување на европскиот пат. Мицкоски има избор, дали ќе одбере да не прави ништо како и досега или сепак ќе направи државнички чекор. Мицкоски е на потег“, рече Дарко Каевски – портпарол на СДСM. /Алсат.мк
