Се бара прошитена истрага и одговорност за модуларната болница во Тетово

И покрај епилогот од судскиот процес против поранешните директори на Тетовската болница, јавноста бара подлабока и поширока одговорност за трагедијата што се случи на 8 септември 2021 година, во која 14 лица, 12 пациенти и 2 члена на семејствота, ги загубија животите како резултат на пожарот. Барањето беше повторено, особено по кочанската трагедија, за која Обвинителството под истрага покрена над 60 лица за палењето на дискотеката „Пулс“.

Advertisements

Се бара одговорност од лицата кои ја нарачале, подготвиле и ставиле во функција Модуларната болница. За службениците или одговорните лица кои ја инсталирале и контролирале електричната инсталација, како и за сите институции кои дозволиле Модуларната болница да функционира без заштитен систем против пожар. Особено, во ситуации кога е констатирано дека болницата е изградена од лесно запалив материјал, а нема систем за заштита од пожар..

Можеби некои од овие прашања ќе се разјаснеа со второто предметно постапување поврзано со пожарот во Модуларната, кое го води Обвинителството за гонење организиран криминал и корупција, а кое ја контролира примената и реализацијата на јавната набавка за изградба на сите 19 модуларни болници во земјава, вклучително и онаа во Тетово. Сепак, предметот и по три и пол години останува во предистражна фаза, а не се знае кога би можело да има обвинителски исход.

За настанот каде трагично загинаа 14 лица, до сега пред правдата се доведени само двајца поранешни директори, како одговорни што не поставиле соодветна опрема и инсталации за заштита од пожар и што не ги почитувале здравствените препораки за време на епидемијата. Од одговорност се извлече дежурниот лекар Бубан Вучевски.

Службената верзија за пожарот во Модуларната болница е краток спој на електричната енергија за време на реанимација на пациент, по што прегреал и изгорел продолжениот кабел, каде биле поврзани дефибрилатор, полнач за мобилен телефон и уште една уред. Пожарот веднаш го зафатил просторот и за неколку минути објектот бил изгорен до темел./Алсат.мк

Суад Бајрами