Во Неапол по желба на Антонио Конте доаѓа Давид Нерес. Бразилскиот фудбалер има 27 години и своевремено беше еден од најбараните играчи во Европа. Тој блескаше играјќи за Ајакс од 2017 до 2022 година, беше дел од генерацијата која дотурка до полуфиналето на Лигата на Шампионите и тогаш иако многу млад вредеше речиси 50 милиони евра.
Сепак, потоа кариерата на Нерес тргна по надолна линија. Бразилецот во 2022 се пресели во украински Шахтјор за 12 милиони евра, а по само една полусезона за 15 беше откупен од Бенфика. Оттогаш за португалскиот клуб одигра 83 натпревари, даде 17 гола и подели 26 асистенции.
Сè е договорено и сега се очекува Наполи за вкупна сума од 30 милиони евра со вклучени бонуси да го откупи неговиот договор. Давид Нерес од понеделник се очекува на медицински тестови и потпис во Неапол.
