Сè уште не е надминат проблемот со загревањето на училиштата во Карпош
„За жал се уште не се надмина проблемот со загревањето на училиштата во Карпош“, посочи министерката за образование Весна Јаневска.
„Јас очекувам овие денови да имам состанок со градоначалникот, жал ми е што треба да соопштам дека искористени се ротациите, оваа година општина Карпош со ребалансот добила 18 милиони денари и верувам дека не се сосема доволно и искрено се надевам дека ќе изнајдеме некакво решение, се разбира со негови поголеми услуги отколку од министерството оти пак станува збор за закон“, посочи Јаневска.
Јаневска посочи дека со буџетот следната година се планираат повеќе средства не само за Карпош туку и за други општини кои се наоѓаат во слична ситуација секако по можност на сите општини да може да им се удоволи.
Градоначалникот на општина Карпош, Стевчо Јакимовски претходно рече дека Владата се однесува крајно некоректно кон македонските општини настојувајќи, како што нагласи, целосно да ги запре средствата што е должна да ги исплаќа.
