Села: Демократијата е условена со уцени и закани од владејачката партија
Претседателот на Алијансата за Албанците, Зијадин Села, вечерва во емисијата „Економски магазин“ на Алсат, зборуваше за анкетите и процентот што неговата партија заедно со коалицијата со Алтернатива, го очекуваат на овие избори.
Села рече дека АА / Алтернатива се пред ДУИ во повеќето општини, нагласувајќи дека тие анкети, што ги изедначуваат со ДУИ, се аларм за владејачката партија, бидејќи, според него, има луѓе кои не се изјаснуваат поради страв и уцени.
„Живееме во општество што нема консолидирана демократија, каде што демократијата е условена со уцени и закани упатени од владејачката партија и секако, ако го видите делот од луѓето што не се изјаснуваат, тој дел ќе ја осуди владејачката партија. затоа што тие луѓе се исплашени“, рече Села.
