СЕСП: ДУИ ги злоупотребува европските вредности
СЕСП: ДУИ ги злоупотребува европските вредности
Опозициската коалиција Европскиот сојуз за промени ја обвини ДУИ дека ги злоупотребува европските вредности и ги мами граѓаните со слоганот „НЕ ЗА РУСИЈА- ДА ЗА ЕВРОПА“. Според Бесар Дурмиши, Бујар Османи, со кого ДУИ ќе се натпреварува на претседателските избори, е личноста која му го отвори небото на шефот на руската дипломатија Сергеј Лавров да дојде во Скопје, а кога Србија преку руски сценарија му се закануваше на Косово, Османи не најде храброст да оди во Приштина ниту како министер за надворешни работи, ниту како претседавач со ОБСЕ.
„Мислите дека граѓаните не знаат дека вашиот партнер е Русија. Дали навистина верувате дека граѓаните и меѓународниот фактор не знаат дека Бујар Османи е единствениот кој го отвори небото и го донесе Сергеј Лавров во Скопје, за што ги вознемиривте САД, а секретарот Антони Блинкен не остана во Скопје. Токму поради пријателството и бизнисот со Србија и Русија, Бујар Османи, ниту како министер за надворешни работи, ниту како претседавач со ОБСЕ, никогаш сам не го посети Косово, дури и кога Србија го нападна Косово во Звечан и беше убиен полицаец на Косово“./Алсат.мк
