Шефот на Агенцијата за атомска енергија ќе ја посети нуклеарната централа Запорожје

Шефот на ОН за нуклеарна енергија, Рафаел Гроси, треба да отпатува во нуклеарната централа Запорожје, окупирана од Русија, за да ја процени ситуацијата поради загриженоста за безбедноста на централата.

Посетата на шефот на Меѓународната агенција за атомска енергија (МААЕ) доаѓа во време кога Русија започна нов бран ракетни напади врз цели во Украина, предизвикувајќи делумно затемнување во Киев и убивајќи најмалку едно лице во јужниот град Миколаев.

Откако на 7 февруари беше прогласена тревога за воздушен напад на целата територија на Украина, фрагменти од соборениот руски проектил во Киев оштетија далноводи, оставајќи дел од главниот град без струја и греење.