Шест лица починаа од сезонскиот грип, ранливите граѓани да се вакцинираат
Шест лица починаа од сезонскиот грип, ранливите граѓани да се вакцинираат
За три недели шест лица починале како последица на сезонскиот грип, а бројот на заболени, значително се зголемил. Директорката на Клиниката за инфективни болести соопшти дека на клиниката се хоспитализирани 7 пациенти со грип и 6 со Ковид. Таа апелира посериозно да се сфати грипот, а ризичните категории да се вакцинираат против сезонскиот грип.
Комисијата за заразни болести препорачува задолжително носење маски во здравствените домови, домовите за стари лица и забрана за посета на болници. Претседателот на Комисијата, Александар Петличковски вели дека мерките се предлагаат по зголемувањето на бројот на заболени од грип.
Последниот извештај на Заводот за јавно здравје покажува дека во првата недела од 2024 година се регистрирани 1.025 случаи на заболени од сезонски грип или болести слични на грип. Ова е 2,5 пати повеќе, во споредба со претходната недела. Бројот на пријавени случаи оваа недела, во однос на оној од пред една година, е зголемен за 24,8 отсто./Алсат.мк
Ајнур Бафќари
