Фудбалската Федерација на Македонија (ФФМ) ги извлече паровите за осминафиналето од Купот на Македонија.
Шеснаесет екипи, од кои петнаесет доаѓаат од првата фаза, а последната е Тиквеш како бранител на пехарот кој обезбеди директно место во оваа рунда, ги добија ривалите. Единаесет учесници се прволигаши, четири тима доаѓаат од ВМФЛ, а една е третолигаш, тоа е Шкендија Арачиново. Скоро сите второлигаши и Шкендија Арачиново добија силни прволигашки противници и ждрепката сакаше да гостуваат.
Шкендија од Арачиново ќе игра против тетовската Шкендија, додека Вардар за ривал го доби бранителот на трофејот Тиквеш. Најзвучниот пар е натпреварот во Кратово меѓу поранешните Куп-освојувачи Силекс и Шкупи.
Осминафинале:
Брера – Беса
Вардар – Тиквеш
Гостивар – Брегалница
Шкендија Тетово – Шкендија Арачиново
Струга Трим Љум – Македонија Ѓорче Петров
Силекс – Шкупи
Арсими – Воска Спорт
Пелистер – Детонит Плачковица
Натпреварите се на програмата на 23 октомври од 14:00 часот. Ако нема победник во деведесет минути, веднаш се пристапува кон казнени удари.
