Македонскиот прволигаш Шкупи по само две кола во новата сезона се реши за тренерска смена, бидејќи не е задоволен од работата на Ернест Ѓока. Поразот од Гостивар (2-0) во второто коло на ПМФЛ ја прели чашата и Шкупи се реши за промена.
Албанскиот стручњак кој на крајот на април седна на клупата на чаирчани не ги исполни очекувањата и по само седум официјални натпревари добива отказ. Се очекува Шкупи да го потврди заминувањето на тренерот и потенцијално неговиот наследник во следните денови.
Ѓока го водеше Шкупи против Тиквеш, Гостивар, Шкендија, Брера, Струга, Воска и Гостивар, запиша по две победи и нерешени, како и три порази, а во подготовките имаше само позитивни резултати. Во својата тренерска кариера Ернест Ѓока во ПМФЛ работеше и во тетовска Шкендија, со која се промовира во мак-фудбалот
