Шри Ланка: Уапсени околу 14.000 луѓе во голема полициска акција против трговија со дрога

Оттаму велат дека акцијата довела до запленување на речиси 440 килограми разни видови наркотици, меѓу кои и хероин.

Снимките од локалните медиуми покажуваат полицајци со кучиња трагачи како пребаруваат домови во Коломбо и на други места.

Активистите за човекови права оценија дека рациите биле незаконски бидејќи биле извршени без налог за претрес.

Портпаролот на полицијата за Би-Би-Си изјави дека не секогаш се потребни налози за такви дејствија кога се бара дрога.

Официјални лица велат дека за време на операцијата биле уапсени вкупно 13.666 осомничени, а 1.097 зависници биле испратени во воен центар за рехабилитација.

Одземени се и возилата и имотот на наводните криминалци.

Активистите рекоа дека рациите биле насочени кон сиромашните населби.

Според експертите, трговците со луѓе ја користат Шри Ланка како центар, а дрогата што минува низ земјата – хероин, хашиш и канабис – создава сериозни проблеми.

Официјални лица велат дека рациите ќе бидат запрени за време на божикните празници, но ќе продолжат следната недела.

Во декември 2016 година, полицијата заплени 800 килограми кокаин, што беше најголемата заплена во Шри Ланка.