Што ќе прават поранешните министри кои не побараа апанажа?
Поранешните министри во Владата на Димитар Ковачевски, Бујар Османи, Артан Груби, Славица Герковска, Ристо Пенов, Азир Алиу и Каја Шукова нема да бараат апанажа и ќе се вратат на претходните работни места.
Бојан Маричиќ и Јетон Шаќири веќе поднеле барања за апанажа, додека другите министри од кабинетот на поранешниот премиер Димитар Ковачевски се веќе пратеници или се во пензија.
Поранешните министри Фатмир Бесими, Кренар Ллога и Крешник Бектеши се уште не се изјасниле дали ќе бараат апанажа.
Груби ќе се врати на старата професија на Универзитетот во Тетово како професор по новинарство, додека неговиот сопартиец Бујар Османи ќе се врати на Клиниката за дигестивна хирургија.
Грковска се враќа на работното место во МВР, Шукова останува вработена во Министерството за животна средина, додека Пенов и Алиу работат во приватен бизнис.
Досега се одобрени апанажи на околу 40 поранешни функционери, од кои 36 се поранешни пратеници. Тоа значи дека овие функционери во наредните 12 месеци ќе ја земаат истата плата што ја земале како министри, заменици, директори на јавни претпријатија, додека оваа плата е од 1500 до 2000 евра месечно.
Речиси сите поранешни министри на СДСМ, Оливер Спасовски, Благој Бочварски, Јованка Тренчевска, Љупчо Николовски, Фатмир Битиќи, Славјанка Петровска и поранешната директорка на Управата за јавни приходи Сања Лукаревска заедно со Ковачевски се избрани за пратеници во новиот состав на парламентот.
