Штрајк во ФЗО – затворени врати за граѓаните, до исполнување на барањата

Граѓаните на кои им беа потребни услугите на Фондот за здравство се соочија со затворени врати. Медиумите беа сведоци на револтот на пациентите на кои им требаа услуги, но наидоа на обезбедувањето. Вработените во Фондот беа на работа, но штрајкуваа, бидејќи се противат на одлуката за намалување на нивните плати.

Advertisements

„Не дозволуваат, штрајкуваат.
Дали ви се одзема правото да ја добиете услуга?
Само ми треба печат бидејќи морам да одам во болница за да го добијам тоа што го препорачаа“, рече еден граѓанин.

Поради штрајкот во Фондот за здравствено осигурување кој почна овој понеделник, граѓаните нема да можат да добијат многу услуги. Вработените во подрачните единици ќе работат само за итни случаи. Револтот на вработените е голем и тие се подготвени да го продолжат штрајкот и по цена да не ги земат платите до крај што пак ќе биде на штета на граѓаните. Бараат платата што ја земале во декември да остане иста и да не им се намалува за 21 отсто како што препорача Владата, бидејќи над 500 вработени од 831 во целиот фонд ќе паднат под прагот на минималната плата во земјава.

Синдикатот на УПОЗ соопшти дека ниту еден вработен во здравствениот систем нема да зема јануарски плати. Запрени се сите активности за обработка на договорите за работа и на платите во јавното здравство. Стравуваат дека со промена на член во Управниот одбор ќе направат мнозинство за намалување на платите, но барањето е да се задржи истиот коефициент од 77,16 денари до крајот на оваа година./Алсат.мк

Аднан Ќаили