Симеоне стана тренерот со најмногу победи во историјата на Атлетико Мадрид

Победата од 2: 1 над Атлетико Билбао беше посебна за тренерот Диего Симеоне, не само затоа што доби предност од 6 поени пред Барселона и 8 поени пред Реал, туку и затоа што благодарение на оваа победа, Симеоне стана тренерот со најмногу победи во историјата на Атлетико Мадрид. Аргентинскиот тренер, против тимот од Баскија, ја забележа 309-та победа, поминувајќи ја легендата и покојниот Луис Арагонес кој имаше 308 победи. Инаку, Симеоне ја чека својата втора титула на кормилото по таа во 2014 година, точно на последниот натпревар од првенството против Барселона.