Симовски: Проблем со интернет конекцијата привремено го прекина попишувањето

Имавме проблем со интернет конекцијата, ама не е проблем со апликацијата, туку со целата интернет мрежа во државата. Колку што сум запознаен, „Телеком“ работи на отклонување на овој дефект и мислам дека скоро тоа ќе се отклони и да немаме проблем во работата, изјави денеска директорот на Државниот завод за статистика Апостол Симовски.

Advertisements

Симовски, денеска заедно со заменикот-директор Илми Селами, беа во Тетово за да проверат како тече пописот во овој регион. Нивната оценка е дека и во работните часови од овој ден попишувачите успеваат да го спроведат пописот во голем број домаќинства, а пречка како низ целата држава е проблемот во прекините на поврзаноста на лап-топ компјутерите со интернетот.