Или да ги вратат зголемените плати или да ги зголемат месечните примања на сите вработени по 78 отсто. Синдикалците не отстапуваат од намерата за целосна блокада на државата доколку функционерите се прават наудрени. Со ваквите потези само се зголемува мотивацијата работниците да си заминат од државата а не да останат во Македонија и тука да ја создаваат својата иднина. Освен за повисоките плати на политичарите, во најновиот Економски магазин се дебатира и за зголемување на бројот на работни часови.
„Владините функционери ако се доблесни требаше да излезат и пред работниците да кажат – другари за нас ова е супер, вие не знам како преживувате. Но со 150 илјади денари плата се живее добро во Македонија. Ние не се иселуваме од Македонија, па не видовме ниту еден функционер да се исели, но видовме 12 500 работници од градежниот сектор лани како заминаа. И сега повтотно се доведуваме во прашање да заминат сите градежни работници со мерките кои владата сака да ги воведе“, вели Трендафилов.
