Скендер Реџепи: „Засега нема можност за уставни измени“
Независниот пратеник Скендер Реџепи смета дека во моментов нема теоретска и практична можност да дојде до уставни измени. Во емисијата „Патот кон“ што се емитува вечерва на Алсат во 22:20 часот, Реџепи рече дека потребниот број пратеници за отворање на Уставот ќе се постигне само со зголемен меѓународен притисок врз македонската опозиција и со договор – по измените, да се оди на предвремени парламентарни избори. (Изјава)
„Овие промени ќе дојдат само со поголем меѓународен притисок, особено од САД и ЕУ врз македонската опозиција за да покажат дека интересот на државата да биде дел од ЕУ е поголем од личниот или партискиот интерес. Сметам дека само така ќе се направат уставни измени. Албанските политички партии не можат да го убедат ВМРО да гласа за промените“, рече Реџепи.
