Случај „Алфа“, и по 16 години останува нерешен
Случај „Алфа“, и по 16 години останува нерешен
16 години од убиството на паркингот кај Природно-математичкиот факултет во Скопје. Случајот „Алфа“ за кој Агим Ислами продолжува да издржува затворска казна, а Реџаил Ќерими почина додека ја чекаше правдата, се уште не е расчистен. Семејството на Агим Ислами вели дека се обесхрабрени од лажните ветувања за правда.
„Поранешниот вицепремиер Артан Груби призна дека Агим е невин во затвор. Сите знаат дека Агим Ислами е невин во затвор. Го направивме и вештачењето кое како главен доказ за судот докажа дека Агим не бил присутен на тој настан и е невин”, рече Беким Ислами, брат на Агим Ислами.
Тешкотијата со која се соочува семејството е се потешка и потешка. Ислами вели дека очекуваме барем Изет Меџити и Арбен Таравари да ги одржат ветувањата.
„Најтешкиот дел е за мајката која многу пати за Агим. Многу сме разочарани. Побарав од Изет Меџити да разговара за ова прашање со премиерот и да разговара за овој случај. Со овие ветувања што ни ги дадоа актуелната Влада, Изет Меџити и Арбен Таравари, ни е кажано дека има договор дека според нив ќе биде ослободување на дел од оние што го нападнаа Собранието. Тие го направија своето, а случајот на Агим остана само лажно ветување“, рече Беким Ислами, брат на Агим Ислами.
За невиноста на Агим Ислами јавно зборуваа многу политички фигури, а најистакнати беа изјавите на поранешниот вицепремиер Артан Груби и поранешниот министер за правда Кренар Лога. За време кога одбраната бараше вештачењето да ја расветли криминалната енигма за случајот „Алфа“, Бирото за правни вештачења го водеше кадарот на ДУИ, Валдет Џафери, кој беше и поранешен министер за правда. Дури и овие докази беа блокирани во лавиринтите на кривичната постапка во судот, со што се згаснаа надежите за правда, особено во моментот кога Врховниот суд одлучи на 14 февруари годинава да му ја потврди затворската казна на Алмир Дерпланини, исто така осуден за овој предмет со одвоена постапка. На 22 јануари 2022 година во затворот Идризово почина Реџаил Ќерими, кој исто така беше осуден за овој случај. На 26.11.2008 година на паркингот на Природно-математичкиот факултет во Скопје беше убиен полицаецот од единицата Алфа, 38-годишниот Африм Арифи. Ранети беа и неговите двајца македонски колеги Саше Петровски и Едвард Алексовски, со кои во тој момент бил на должност./Алсат.мк
