Со доцнење, поради врнежите почна жетвата на пченицата
Со доцнење, поради врнежите почна жетвата на пченицата
Со 10-тина дена доцнење почна жетвата на пченицата.
Огледувачите годинава очекуваат поголеми количини, но во споредба со минатите години велат дека квалитетот ќе биде послаб поради обилните врнежи и малкуте сончеви денови.
Нури Сулејмани од Арачиново, кој заедно со семејството обработува 2000 тони пченица годишно, вели дека тоа ќе претставува дополнителен проблем за мелниците, бидејќи ќе бидат принудени да снабдуваат пченица од странство за да ја измешаат со домашната за да се постигне вистинскиот квалитет за производство на леб.
„Ќе има квантитет, но не верувам дека ќе има квалитет, тоа значи дека ќе биде дополнителен проблем за мелниците што ќе го мелат, ќе бидат принудени да бараат пченица од друга земја која не е загрозена како нашата пченица, не само во РСМ туку и низ Косово, Србија, Бугарија итн. Треба да земаат добра пченица, да го достигнат вистинскиот квалитет за производство на леб“, рече Нури Сулејмани, производител на пченица.
Поради големото количество пченица, огледувачите велат дека едвај ќе можат да ги покријат трошоците што ги направиле досега. Суровините ги купиле по многу скапа цена наесен, што според Сулејмани е речиси еднаква на сегашната продажна цена на финалниот производ. Тие очекуваат помош од државата.
„Ние производителите на пченица годинава имаме проблем, во моментот на продажба џабе се радувавме. Сега кога доаѓаме до моментот на продавање, наидуваме на понуда која не ни одговара и не ни се допаѓа, бидејќи сме под притисок од трошоците што сме ги имале за годинашното производство. Понудата е еднакво на производството. Чекаме да собереме 4 тони пченица, тоа значи дека сме изедначени со трошоците, плус тука е е амортизацијата на машинеријата“, рече Нури Сулејмани, производител на пченица.
Семејството Сулејмани речиси секоја година засадува 710 хектари земја со пченка, а успева да обработи околу 2.000 тони пченица и околу 800 тони пченка. Тие поседуваат 5 комбајни и можат да соберат до 50 хектари пченица за еден ден. Во рок од 2 недели се надеваат дека ќе го завршат целиот процес на собирање, а дотогаш се молат за убаво време, бидејќи новите дождови уште повеќе би влијаеле на квалитетот.
Ајнур Бафќари
