Собранието повторно не овозможи пренесување на расправата во Комисијата за европски прашања за новиот закон за Националната агенција
Агенцијата за контра- разузнавање, позната и како Агенција за разузнавање, која е под надлежност на претседателот, е третата институција во безбедносните служби за која владата има намера да воспостави нови правила на функционирање. Предлог законот е во собраниска постапка. Заменик министерот за правда Агим Нухиу проценува дека целта на законот е појасно дефинирање на надлежностите помеѓу Агенцијата за разузнавање и Агенцијата за национална безбедност.
„Дефинирајќи ја Агенцијата за разузнавање како институција за собирање информации надвор од нашата земја кои можат да имаат импликации во државната безбедност на нашата држава, особено за хибридните стратегии, ако можам да кажам, геополитички или геостратешки во регионот и пошироко, или кој било друг надворешен конфликт, или која било друга надворешна активност што може директно или индиректно да влијае на безбедноста на нашата држава“.
Нухиу додава дека новиот закон предвидува контрола на работата на Агенцијата за разузнавање преку специјална комисија во Собранието. Според него, дефинирани се тајните методи и отворените извори до кои ќе имаат пристап вработените во агенцијата, како и оперативните мерки што тие можат да ги преземат.
Сè додека другите закони што донесоа реформи во институциите на безбедносниот систем не беа изготвени и усвоени со консензус, тоа не се случи ниту со овој закон. Опозицијата се жали дека и нивните препораките се запоставени. Тие дури обвинуваат дека овој закон намерно не бил разгледан во матичната комисија, туку во Комисијата за европски прашања. 13 нивни амандмани беа одбиени.
Мицевски додава дека законот остава простор за злоупотреба со издавањето безбедносни сертификати. ВМРО-ДПМНЕ не се согласува со фактот дека се очекува директорот сам да ја изврши внатрешната контрола и дека тој не е должен да одговара за трошењето на нераспределените средства. Опозицијата нема да гласа за законот. Дебатата за амандманите на законот се одвиваше далеку од очите на јавноста затоа што, како што често се случува, се одржуваше во помала просторија каде не е дозволено присуство на медиуми а техничките услови не овозможуваат емитување на веб-страницата на Собранието.
Fatlume Dervishi
