Социјалдемократскиот сојуз на Македонија го одржа 30-от конгрес на партијата
Социјалдемократскиот сојуз на Македонија го одржа 30-от конгрес на партијата
Социјалдемократскиот сојуз на Македонија го одржа 30-от конгрес на партијата. За заменик претседател на партијата е избрана Фани Каранфилова Пановска, која беше избрана на предлог на претседателот Венко Филипче, а доаѓа на местото на актуелната пратеничка Сања Лукаревска, која поднесе оставка на функцијата по изборниот пораз.
Каранфилова – Пановска долги години е активна во граѓанскиот сектор, а беше и директорка на Фондацијата Отворено општество-Македонија.
На Конгресот беше избран и новиот состав на Централниот одбор на СДСМ, што го сочинуваат 113 лица. Централниот одбор треба да избере и нов Извршен одбор, по што ќе следува и избор на потпретседатели, генерален секретар и двајца организациски секретари.
Филипче на почетокот ја претстави новата програма и во обраќањето пред членството призна за грешките што довеле до лошите изборни резултати.
