Советникот за национална безбедност на САД Џејк Саливан потврди дека каналите за комуникација меѓу СА Д и Русија остануваат отворени и покрај војната во Украина, објави денеска Би-Би-Си.
Саливан, говорејќи во Њујорк на 7 ноември, рече дека е „во интерес“ на Вашингтон да одржува контакт со Кремљ.
Коментарите на Саливан дојдоа по извештајот на Волстрит журнал на 6 ноември дека тој одржал необјавени разговори со највисоките руски функционери во надеж дека ќе го намали ризикот руската инвазија врз Украина да се прелее или да ескалира во нуклеарен конфликт.
Во претходен медиумски извештај на Вашингтон пост, се вели дека Вашингтон приватно ја охрабрува Украина да сигнализира отвореност за преговори со Русија, додека Стејт департментот соопшти дека Москва ја ескалира војната и дека сериозно не сака да се вклучи во мировни преговори.
„Вашингтон пост“ цитира неименувани извори кои велат дека барањето на американските официјални лица немало за цел да ја турне Украина на преговарачка маса, туку дека станува збор за пресметан обид да се осигура дека Киев ќе ја задржи поддршката од другите нации.
