Спасени неколку лица кои со возило заглавиле на Галичица

Во тричасовна акција на Центарот за управување со кризи (ЦУК), рано утринава се спасени неколку лица кои со автомобил заглавиле на Галичица, на патниот правец кој подолго време е забранет за моторни возила.

Advertisements

По добиената пријава на единствениот број за итни случаи 112, за случајот била известена Единицата за спасување на планина во Охрид, а нивни екипи итно се упатиле на местото за да интервенираат.

„Паралелно е комуницирано и со граѓаните од заглавеното возило за да се дознае повеќе за нивната состојба при што се информирани дека спасителите се на пат за нивно извлекување“, соопштија утринава од ЦУК.