Спасовски: Безбедносната состојба во државата е стабилна
Министерот за внатрешни работи Оливер Спасовски денеска изјави дека безбедносната состојба во државата е мирна и стабилна. Според него, инциденти имало и ќе има и во иднина, но рече дека министерството што го раководи работи интензивно за да се гарантира безбедноста на граѓаните.
„Безбедносната состојба е мирна, стабилна и без никакви индиции за нарушувања на безбедноста. Имаше инциденти и ќе има и во иднина. Овде треба интензивно да работиме на одржување на безбедноста, знаете за оперативните акции на кои работиме, особено во главниот град, а сега за безбедно лето, за безбеден град кој даде добри резултати, особено во борбата против трговијата со дрога и оружје и секако за обезбедување безбедност на граѓаните на РСМ… Наше е да го одржиме ова ниво на безбедност и да ја подобриме оваа безбедност“, изјави Спасовски.
